Armenian Soccer

Tools

A+ R A- wide normal

Արմեն Գյուլբուդաղյանց. «Վերջնական արդյունքից, իհարկե, գոհ չենք… »

Print
E-mail

Նոյեմբերի 26-ին կայացավ ՀՀ ազգային հավաքականի գլխավոր մարզիչ Արմեն Գյուլբուդաղյանցի հանդիպումը լրագրողների հետ:    Նախ   մարզչին ուղղվեցին հարցեր, որոնց ընթացքում անդրադարձ եղավ Ազգերի լիգայում Ջիբրալթարի ու Լիխտենշտեյնի ընտրանիների հետ վերջին երկու հանդիպումներին:
- Այդ երկու խաղերի մասին Ձեր կարծիքը:
«Վերջնական արդյունքից, իհակե, գոհ չենք: Բայց առանձին խաղերում եղան դեպքեր, որ արդյունքից էլ ենք գոհ, չնայած վերջին երկու խաղում երկուական գոլ բաց թողեցինք: Կարգով ավելի թույլ մրցակիցների դեմ խաղերում, երբ գնդակին ավելի շատ մենք էինք տիրում, պաշտպանություն ազատ տարածություններ էին մնում: Ջիբրալթարի ընտրանուց   բաց թողած երկու գոլն էլ հակագրոհներից էր: Ճիշտ է, այդ երկու թիմերից մենք գոլեր բաց թողեցինք, բայց խաղում էինք առաջին համարով: Եթե չեմ սխալվում մեր առավելությունը մոտավորապես 70:30 հարաբերակցությամբ էր: Բայց այստեղ մի վտանգ կա. երբ անընդհատ մրցակցի դարպասի մոտ ես լինում, թիկունքում ազատ տարածություններ են գոյանում: Մենք գոլեր բաց թողեցինք մրցակցի հակագրոհների ժամանակ: Ընդհանուր առմամբ, թիմային պաշտպանությունը մեզ մոտ կաղում էր:

Մենք ավելի լավ էինք գործում հարձակման ժամանակ: Մեր եզրային պաշտպանների միացումները շատ արդյունավետ էին:
Մենք 12 գոլ խփեցինք ու 5-ը բաց թողեցինք:   Որոշել էինք ավելի շատ եզրերով գրոհեինք: Ձախից կոմբինացիաներին պետք է մասնակցեին Դաղբաշյանը, Մխիթարյանը, Ղազարյանը և Հովսեփյանը, իսկ աջից ավելի շատ պետք է օգտագործեինք Կամո Հովհաննիսյանի ու Ադամյանի արագությունները: Այնտեղ պետք է գնդակը չկանգներ: Մենք 5 գոլ եզրերից խփեցինք: Մարզումներին նաև կենտրոնից խաղի վրա ենք աշխատել: Հիշեք Ջիբրալթարում Մովսիսյանի գոլն Արտակ Գրիգորյան-Ռումյան Հովսեփյան փոխանցումներից հետո: Յուրան ևս մեկ գոլ կենտրոնից խփեց: Այնուամենայնիվ, այս ամենն առաջնային չէ, որովհետև արդյունքը գոհացուցիչ չէ:
Թերեւս, մեր թիմային պաշտպանությունը ավելի լավ էր Մակեդոնիայիհավաքկանի հետ երեւանյան խաղում, որում մենք հաղթեցինք: Մեր հավաքականը, որը խմբում երկու ֆավորիտներից մեկն էր, ավելի լավ արդյունք կարող էր գրանցել, եթե առանցքային ֆուտբոլիստներից մի քանիսը՝ Մարկոսը, Օզբիլիսը և մյուսները նույնպես, վնասվածքների պատճառով չբացակայեին:

©2018 Armenian Soccer

More in this category: « «Ալաշկերտը շարունակեց անպարտելի հանդիպումների շարըք,Դմիտրովի հեթ -տրիկը «Արարատ-Արմենիային»՝ հաղթանակ պարգևեց Արմեն Գյուլբուդաղյանց.«Ֆեդերացիան բանակցում է Դիեգո Ռոսսի Մարաշլյանի» »

Armenian Soccer

Արմեն Գյուլբուդաղյանց. «Վերջնական արդյունքից, իհարկե, գոհ չենք… »

National Teams

Partners

Clubs

Players

Specials

User Links

Social Sharing