Rate this item
(0 votes)

ՀՀ չեմպիոնը Գյումրիում կհանդիպի ՀՀ 1-ին խմբի հաղթողի հետ

ՀՀ առաջնություններն այս տարի առաջին անգամ կանցկացվեն աշուն-գարուն մրցակարգով: Այս  հանգամանքը   մասնակից  թիմերին   նոր  մրցաշրջանի նախապատրաստական նոր ժամանակացույց է թելադրում: Կարճատև հանգստից հետո վերսկսելով մարզումները  թիմեր  առաջիկայում նախատեսում են  նաեւ ստուգողական   հանդիպումներ  ունենալ:
Ինչպես  հայտնում է  մեր թղթակցին  բարձրագույն  խմբում  հանդես  գալու  իրավունք ստացած ՀՀ  1-ին  խմբի  հաղթող Մարտունու«Ալաշկերտի»  մամուլի  քարտուղար  Գեւորգ  Մարիկյանը     արդեն  ձեռք  բերված  պայմանավորվածության  համաձայն   իրենց  թիմը   հունիսի 25–ին  ժամը 13:00–ին Գյումրիի  քաղաքային մարզադաշտում    ստուգողական  հանդիպում  կանցկացնի ՀՀ չեմպիոն՝  «Շիրակի» հետ:

Երկու թիմերն էլ նախապատրաստության  հագեցած ծրագրեր ունեն: Ալաշկերտցիները պետք է նորամուտը նշեն բարձրագույն խմբի առաջնությունում և կազմի համալրման ու նորեկների փորձարկման խնդիրներ ունեն,իսկ «Շիրակն էլ » պիտի  մեկնարկի Եվրոպայի  չեմպիոնների լիգայի խաղարկությունում:
Տեղեկացնենք  նաեւ , որ այս հանդիպման    հաջորդ օրը՝  հունիսի  26-ին  «Ալաշկերտը»  կմեկնի Հանքավան, որտեղ երկշաբաթյա ուսումնամարզական հավաք   կունենա  :  Նկատենք  նաեւ ,որ «Ալաշկերտնը»  ներկայումս  իր  մարզումներն անցկացնում է Աշտարակի  մարզադաշտում  եւ  «Կիլիկիա»  մարզադահլիճում:




















2013 Armenian Soccer

back to top