Armenian Soccer

Այսօր,  օրվա առաջին կեսում լուրեր  տարածվեցին, որ ՌԴ-ի պրեմիեր լիգայի լավագույն ռմբարկու ,ՀՀ ազգային հավաքականի եւ Մոսկվայի «Սպարտակի»  հարձակվող  Յուրա Մովսիսյանը  երեկ , «Զենիթի» հետ խաղում եռագոլի հեղինակ դառնալուց հետո ստացած վնասվածի պատճառով  հնարավոր  է  բաց թողնի  առաջնության մինչ տարեվերջ անցկացվելիք 3հանդիպումները: Ակումբի բժշկական ծառայության ղեկավար Միխայիլ Վարդապետովը հայտնել էր,որ Յուրայի մոտ արդեն կար  աջ ծնկային արտաքին մենիսկի վնասվածք,որը երեկվա խաղում  ավելի էր բարդացել: Այդ իսկ պատճառով փորձառու մասնագետը չէր բացառում, որ ատրոսկոպիկ հրատապ միջամտությյան անհրաժեշտության զգացվեր:
Իսկ  արդեն երեկոյան ,տեղեկություն եղավ այն մասին ,որ «Սպարտակի» հարձակման  գծի առաջատարը, այնուամենայնիվ  կմասնակցի միչեւ տարվեվերջ անցկացվելիք ««ԲԿՄԱ»-ի, «Վոլգայի» եւ«Ռոստովի»հետ հանդիպումներին: Արդեն  որոշվել է, որ  նա ասպարեզ դուրս կգա ցավազրկող ներարկումներից հետո, եւ «Սպարտակի» մարզչական շտաբն էլ  նրան  այդ 3հանդիպումներում խաղալու 1-ական ժամ կտրամադրի,որից  հետո  հայազգի հարձակվողը   կփոխարինվի:  Իսկ արդեն ՌԴ-ի առաջնության ամառա –աշնանային հատվածի ավարտից հետո Մովսիսյանը ծնկի վիրահատության կենթարկվի,եւ արդեն առաջնության 2-րդ հատվածի  սկսվելու հետ   առաջնության  լավագույն ռմբարկուն   կկարողանա վերադառնալ ընդհանուր խումբ:
Երեկվա «Զենիթի» հետ խաղում հենց  Մոսիսյանի եռագոլի շնորհիվ «Սպարտակը» հաղթեց իր սկզբունքային մրցակցին եւ կրկին  վերադաձավ չեմպիոնական մրցավազքին: Այնպես, որ «Զենիթի»հետ խաղում ստացած վնասվածքը չի խանգարի Մովսիսյանին նոյեմբերի 23-ին «ԲԿՄԱ»-ի հետ  մոսկովյան վճռորոշ դերբիում օգնելու իր  թիմակիցներին: 


2013 Armenian Soccer