Armenian Soccer

Աշտարակի «Քասախի մարզիկ» մարզադաշտում տեղի ունեցավ  ՀՀ  1-ին խմբի առաջնության  պաշտոնական վերջին հանդիպումը: «Ալաշկերտ-2»-ը մրցակցեց «Արարատ-2»ի հետ։Այն  այս թիմերի   35-րդ տուրի  հունիսի 10-ից  հետաձգված   հանդիպումն   էր:  Մրցաշարային առումով այս խաղը ոչինչ  չէր որոշում՝ «Ալաշկերտ-2»-ն արդեն  ապահովել էր 2-րդ հորիզոնականը, իսկ «Արարատ-2»-ը՝  3-րդը:
Մրցանակակիրների հանդիպումը  այնքան էլ  դիտարժան չստացվեց, չնայած հարուստ էր իրադարձություններով։
Մասնավորապես, կարմիր քարտ ստացավ «Ալաշկերտ-2»-ի դարպասապահ Էդվարդ Հովհաննիսյանը, այդ դրվագում նշանակված 11 մետրանոցը չիրացրեց արարատցի Արայիկ Մկրտչյանը, ալաշկերտցի Բենիկ Հովհաննիսյանի հարվածից հետո գնդակը դիպավ հորիզոնական ձողափայտին:
Այս խաղը 2:0 հաշվով  շահեց «Արարատ-2»-ը։ 26-րդ րոպեին ինքնագոլ (Արթուր Սահակյան)  արձանագրվեց և արարատցիներն առաջ անցան, իսկ վերջնահաշիվը հաստատեց Ռոման Հովհաննիսյանը, ով 85-րդ րոպեին մեն մենակ մնաց փոխարինման մտած դարպասապահ Բաբկեն Գրիգորյանի հետ և հանգիստ խփեց երկրորդ գնդակը՝  2։0։
Չնայած տոնած հաղթանակին Տիգրան Եսայանի ղեկավարությմաբ ելույթ ունեցած«Արարատ-2»-ը չկարողացավ շրջանցել 2-րդ հորիզոնականը զբաղեցրած «Ալաշկերտ-2»-ին ,որը  հանդես էր գալիս Սամվել Պողոսյանի գլխավորությամբ:

2014 Armenian Soccer