Armenian Soccer

ՀՀ գործող չեմպիոն Երեւանի «Բանանցի»  լրատվական ծառայությունն այսօր ներակայացրել է ակումբի 3 նորեկներին:
Սարգիս Բալոյան
Հարձակվող 22 տարեկան
Հասակը` 181 սմ
Քաշը` 75 կգ
Սարգիս Բալոյանը նոր է տեղափոխվել «Փյունիկից» և այժմ փորձաշրջան է անցնում «Բանանցում»:
Սկսել է մարզվել 10 տարեկանից Վլադիկավկազի «Ալիանիա» ակումբում: 17 տարեկանում տեղափոխվել է պրոֆեսիոնալ թիմը:
«Փյունիկում» խաղացել է 2012/2013 և 2013/2014 մրցաշրջաններում:
«Բանանցը» Սարգիսին դուր է եկել. և հագեցած մարզաբազան, և պրոֆեսիոնալ մարզումներն ու թիմային մթնոլորտը:
«Պետք է լավ աշխատել,- նշում է Սարգիսը,- և ամեն ինչ անել մրցաշարային աղյուսակում բարձրանալու համար»:
Թեպետ ամեն թիմ ունի մարզումների իր ձեռագիրն ու տակտիկական առանձնահատկությունները, Սարգիսը համոզված է, որ երբեք չպետք է մոռանալ խաղալ սեփական ֆուտբոլը և ցուցաբերել լավագույն հատկանիշները:
Ֆուտբոլում միակ նպատակը սեփական կարողություններն առավելագույնս դրսևորելն ու ամեն ինչ ֆուտբոլին տալն է, փորձել հնարավորինս բարձրանալ, իսկ թե ինչ կստացվի, կյանքը ցույց կտա:
Սիրելի ֆուտբոլիստը Թիերի Անրին է, ակումբը` «Արսենալը», որտեղ ցանկանում է երբևէ խաղալ:
«Ֆուտբոլն ինձ համար ամեն ինչ է: Ի՞նչ կանեի ես առանց ֆուտբոլի: Երևի ոչինչ: Ֆուտբոլը իմ սիրելի սպորտն է, իմ սիրելի աշխատանքն է ու հոբբին»:

Պետրոս Ավետիսյան
Կիսապաշտպան 19 տարեկան
Հասակը` 177 սմ
Քաշը` 64 կգ
Սկսել է խաղալ 5 տարեկանից, երբ հայրը, նկատելով ֆուտբոլի հանդեպ մեծ սերը, նրան տարավ «Մալաթիա» մարզադպրոց: Քանի որ Պետրոսի հասակակիցների թիմ չկար, նա սկսեց մարզվել իրենից 2 տարի մեծերի հետ:
Առաջին խմբից Բարձրագույն տեխափոխվելը Պետրոսի համար առաջընթաց էր, և նա սեփական խաղում փոփոխություններ է նկատում, քանի որ Բարձրագույն խմբում ավելի արագ են խաղում, և ավելի փորձառու խաղացողների հետ է շփվում: Նշում է, որ իրեն թիմը շատ լավ է ընդունել և կոլեկտիվը շատ ընկերական է:
Նպատակը Ազգային հավաքականում խաղալն ու մեր ազգի պատիվը բարձր պահելն է: Երազում է դառնալ հայտնի և խաղալ աշխարհի առաջատար ակումբներում:
Իր համար օրինակելի ֆուտբոլիստ է համարում Հենրիխ Մխիթարյանին: Չի ցանկանում նմանվել ոչ մեկին, և գտնում է, որ ցանկացած ֆուտբոլիստ պետք է սեփական ոճն ունենա:
Ֆուտբոլը Պետրոսի համար մի ամբողջ կյանք է, առանց որի իրեն չի պատկերացնում ուրիշ բնագավառում:

Ալբերտ Օհանյան
Դարպասապահ 21 տարեկան
Հասակը`180 սմ
Քաշը` 75 կգ
Ֆուտբոլ սկսել է խաղալ 7 տարեկանից` հաճախելով «Մալաթիա» մարզադպրոց: 4 տարի անց տեղափոխվել է «Փյունիկ», խաղացել է մանկապատանեկան թիմերում, այնուհետև` Առաջին և Բարձրագույն խմբերի կազմում:
Մեկ ամիս առաջ «Բանանց» տեղափոխվելը Ալբերտը համարում է նոր մարտահրավեր և լավ հնարավորություն` սեփական կարողությունները ցուցադրելու և նոր հաջողություններ գրանցելու համար:
Արդեն հասցրել է ինտեգրվել նոր թիմին և նրանց խաղաոճին, բայց և համոզված է, որ յուրաքանչյուր դարպասապահ պետք է ունենա իր ոճը և խաղա իր ձևով:
Ֆուտբոլում գլխավոր նպատակն է` որպես հիմնական դարպասապահ խաղալ Ազգային հավաքականում և հրավեր ստանալ եվրոպական առաջատար ակումբներից:
Սիրելի ֆուտբոլիստը Իկեր Կասիլյասն է, ում համարում է ուժեղ դարպասապահ և օրինակելի մարդ:

2015 Armenian Soccer