ՈՒԵՖԱ-ի Չեմպիոնների լիգայի որակավորման 2-րդ փուլի` Բելառուսի չեմպիոն Բորիսովոյի ԲԱՏԷ-ի հետ խաղից առաջ հուլիսի 11-ին «Ալաշկերտի» գլխավոր մարզիչ Աբրահամ Խաշմանյանը «Բորիսով Արենայի» մամուլի ասուլիսների դահլիճում պատասխանեց լրագրողների հարցերին.
-Երբ վիճակահանությամբ ձեզ բաժին հասավ ԲԱՏԷ-ն, ինչպե՞ս արձագանքեցիք այդ մրցակցին:
-Մենք գիտեինք, որ եթե անցնենք անդորրական թիմին, ապա կհանդիպենք ԲԱՏԷ-ին: Մենք հիանալի ծանոթ ենք ձեր ակումբի հետ, գիտենք, որ այն վերջին տարիներին բելառուսական ֆուտբոլի դրոշակակիրն է: Դրա համար էլ ոչ-մի գաղտնիք չկար:
-Ինչպիսի՞ն է ձեր տրամադրվածությունը խաղից առաջ և ի՞նչ եք սպասում մրցակցից:
-Տրամադրվածությունը միշտ պետք է մարտական լինի բոլոր խաղերում: Եթե տրամադրությունն այլ է, ապա ընդհանրապես խաղադաշտ դուրս գալու իմաստ չկա:
-Ձեր երկրպագուների պակասը ինչ-որ կերպ ազդու՞մ է:
-Մենք արտագնա խաղերում սովոր ենք դրան: Մեր պատվիրակությունում հիմա 50-60 մարդ կա: Երևանում տրիբունաներում շատ մարդ կլինի, իսկ հյուր թիմը միշտ էլ քիչ երկրպագուներ է ունենում:
-Ինչպե՞ս եք դուք գնահատում ՀՀ առաջնության մակարդակը, համեմատելով այն Բելառուսի առաջնության հետ:
-Մենք գիտենք, որ բելառուսական ակումբային ֆուտբոլի մակարդակն ավելի բարձր է: Ինչու՞ ակումբային: Քանի որ հավաքականը լրիվ այլ է և մենք գիտենք, որ հավաքականում հիմնականում լեգիոներներ են խաղում: Հիմա արվում է ամեն հնարավոր բան, որպեսզի հայկական ֆուտբոլն էլ լավ մակարդակի վրա լինի, սակայն գիտեք, որ մեզ մոտ բարձրագույն խմբում 6 ակումբ է խաղում: Դա շատ քիչ է: Եվ դրա համար էլ բելառուսական ֆուտբոլը հիմա ավելի լավ վիճակում է:
-Ինչպե՞ս է Արտակ Գրիգորյանի վիճակը:
-Գրիգորյանը անդորրացիներիհետ խաղում ծանր վնասվածք ստացավ: Կասկածներ կային, որ քիթն է կոտրել: Բայց հիմա նա արդեն մարզվում է թիմի հետ: Ես չեմ ասում, որ նա լավ վիճայում է, սակայն կարծում եմ, որ վաղը նա խաղադաշտում կհայտնվի: Չգիտեմ, թե որքան ժամանակով , սակայն կարծում եմ, որ կհայտնվի:
©2017 Armenian Soccer
Աբրահամ Խաշմանյան. « Տրամադրվածությունը միշտ պետք է մարտական լինի »
User Links
Social Sharing
Copyright © 2005 - 2017 ARMENIAN-SOCCER.com. All Rights Reserved.