Armenian Soccer

Ինչպես հայտնում են ՀՀ գավաթակիր «Փյունիկի» մամուլի ծառայությունից,ակումբի եւ ՀՀ երիտասարդական հավաքականի 19-ամյա   հարձակվող Ղուկաս Պողոսյանը կիրակի օրը՝՝ դեկտեմբերի 8-ին  կմեկնի Գերմանիա:
Ըստ նախնկան պայմանավորվածության,նախատեսվում է, որ երեքշաբթի օրը՝ դեկտեմբերի 10-ին երիտասարդ  ֆուտբոլիստն այնտեղ՝ Մյունխենի կլինիկաներից մեկում  վիրահատության կենթարկվի:
Հիշեցնենք, որ Ղուկաս Պողոսյանը  ծնկի վնասվածք էր ստացել «Ալաշկերտի» հետ  ՀՀ  բարձրագույն խմբի  ընթացիկ առաջնության 3-րդ տուրի խաղում՝ օգոստոսի 24-ին եւ դրանից հետո խաղադաշտ դուրս չի եկել:


2013 Armenian Soccer

Ինչպես  հայտնում են ՀՀ գավաթակիր «Փյունիկի»  մամուլի ծառայությունից  ակումբի եւ ՀՀ երիտասարդական հավաքականի  պաշտպան, 20-ամյա  Արման Հովհաննիսյանն այսօր առավոտյան բարեհաջող վիրահատության է ենթարկվել:
Վիրահատվել է ֆուտբոլիստի քթի միջնապատը, որը խանգարում էր նրան:
Խոստումնալից  եւ  հեռանկարային  երիտասարդ  ֆուտբոլիստին արագ ապաքինում ենք մաղթում:

2013 Armenian Soccer

Ինչպես տեղեկանում ենք ՀՀ գավաթակիր Երոեւանի  «Փյունիկի» մամուլի ծառայությունից , «Փյունիկ» ակումբը պաշտոնապես հայտնում է, որ այսօր` դեկտեմբեր 30-ին, ակումբի նախագահ Ռաֆիկ Հայրապետյանը Ամանորից առաջ հանդիպում անցկացրեց «Փյունիկ» ՖԱ մարզիչների և աշխատակիցների հետ, որի ժամանակ ներկայացրեց «Փյունիկի» թիմի նոր գլխավոր մարզչին:
Այսուհետև Հայաստանի բազմակի չեմպիոն Երևանի «Փյունիկի» գլխավոր մարզչի պարտականությունները կստանձնի Հայաստանի ազգային հավաքականի և ակումբի նախկին ավագ, լեգենդար ֆուտբոլիստ Սարգիս Հովսեփյանը:
Հենց նա էլ թիմին կնախապատրաստի Հայաստանի առաջնության երկրորդ կեսին: Ռաֆիկ Հայրապետյանը հաջողություն և հաղթանակներ մաղթեց Սարգիս Հովսեփյանին՝ «Փյունիկի» համար այս դժվարին ժամանակահատվածում:
Հիշեցնենք, որ այս մրցաշրջանում «Փյունիկը» 17 միավորով գտնվում է իր համար անսովոր վեցերորդ հորիզոնականում:

2013 Armenian Soccer

Հունվարի 7-ից ՀՀ գավաթակիր <Փյունիկը> նորանշանակ գլխավոր մարզիչՍարգիս Հովսեփյանի ղեկավարությամբ սկսել է  ՀՀ առաջնության 2-րդ հատվածի նախապատրաստությունն, և մարզումներ է անցկացնում Երևանում՝ Ավանի ֆուտբոլի ակադեմիայում,որոնքք  այստեղ տևելու են  մինչև հունվարի 21-ը:
Ինչպես հայտնում են <Փյունիկի> մամուլի ծառայությունից այսօր՝  հունվարի  19-ին՝ ժամը12-ին, ֆուտբոլի ակադեմիայի խաղադաշտում  <Փյունիկը> ստուգողական հանդիպում կանցկացնի իր դուստր թիմի՝  <Փյունիկ-2>-ի հետ:Մարզիչները այս խաղում հնարավորություն կունենան գործում տեսնելու փորձարկվող նորեկներին:
Նկատենք  նաև,որ հունվարի 23-ից փետրվարի 4-ը <Փյունիկը> նախատեսում է ուսումնամարզական  հավաք անցկացնել Դուբայում (ԱՄԷ):

2014 Armenian Soccer

Ինչպես հայտնում են  ՀՀ գավաթակիր Երևանի <Փյունիկի> մամուլի ծառայությունից, այսօր վաղ առավոտյան նորանշանակ գլխավոր մարզիչ Սարգիս Հովսեփյանի ղեկավարությամբ  ակումբի գլխավոր թիմը  մեկնել է՝ Թուրքիա՝  Անթալիա,ուր  անցկացնելու է  այս տարվա առաջին ուսումնամարզական հավաքը:
Վնասվածքի պատճառով այս հավաքին չեն  մասնակցում ակումբում  փորձաշրջան անցնող կիսապաշտպան Անդրեյ Շահգելդյանն  ու ,ինչպես նաև  օրերս վիրահատության ենթակված դարպասապահ Ալբերտ Օհանյանը,  ով ներկայումս վերականգնողական  կուրս է անցնում:
<Փյունիկի> կազմում Անթալիա են մեկնել հետևյալ 25 ֆուտբոլիստները՝
Դարպասապահներ` Գոռ Մանուկյան, Սամվել Հունանյան, Միհրան Մնացականյան,
Պաշտպաններ` Արման Հովհաննիսյան, Տարոն Ոսկանյան, Գրիգոր Հովհաննիսյան, Վասպուրակ Մինասյան,
Կիսապաշտպաններ` Դավիթ Զաքարյան, Ռոբերտ Հակոբյան, Արթուր Յուսպաշյան, Գոռ Մալաքյան, Հովհաննես Պողոսյան, Նարեկ Ասլանյան, Գագիկ Պողոսյան, Սևակ Փարսադանյան, Կամո Հովհաննիսյան, Աշոտ Սարդարյան, Ղուկաս Պողոսյան, Աղվան Պապիկյան,
Հարձակվողներ` Վարդան Բակալյան, Կարեն Եսայան, Ռազմիկ Հակոբյան, Վիուլեն Այվազյան, Սարգիս Բալոյան, Գեղամ Թումբարյան:
Այս հավաքի ընթացքում, որը կտևի մինչև փետրվարի 5-ը <Փյունիկը> նախատեսում է 2ստուգողական հանդիպում անցկացնել:Հայաստանի գավաթակրի հաջորդ հավաքը, որը  փետրվարի 10-24-ն է կայանալու,  նույնպես Թուրքիայում՝ Անթալիայում է լինելու: 


2014 Armenian Soccer

Ինչպես արդեն հայտնել ենք ՀՀ գավաթակիր Երևանի <Փյունիկը> Սարգիս Հովսեփյանի ղեկավարությամբ երեկ մեկնեց Թուրքիա 2շաբաթյա ուսումնամարզական հավաքի:  Ինչպես տեղեկացնում են   ակումբի մամուլի ծառայությունից,    <Փյունիկի> ի ֆուտբոլիստներն երեկ  արդեն Անթալիայում առաջին մարզումն են  անցկացրել:
Թիմը մարզվում է ըստ նախատեսված ծրագրի: Վնասվածքի պատճառով Ղուկաս Պողոսյանն ու Սարգիս Բալոյանն առայժմ  մարզվում են անհատական ծրագրով:
Այսօր նախատեսված է արդեն <Փյունիկի>  երկու մարզում:
Այս հավաքի ընթացքում, որը կտևի մինչև փետրվարի 5-ը <Փյունիկը> նախատեսում է 2ստուգողական հանդիպում անցկացնել:ՀՀ  գավաթակրի հաջորդ հավաքը, որը  փետրվարի 10-24-ն է կայանալու,  նույնպես Թուրքիայում՝ Անթալիայում է լինելու:


2014 Armenian Soccer

Ինչպես հայտնում են ՀՀ գավթակիր Երևանի «Փյունիկի» մամուլի  քարտուղարությունից,  ակումբի  նորնաշանակ  գլխավոր մարզիչ Սարգիս Հովսեփյանն այդ պաշտոնում իր առաջին պաշտոնական խաղից հետո  այսպես է մեկնաբանել ՀՀ փոխչեմպոին  «Միկայի» նկատմամբ 4:0 հաշվով տարած  հաղթանակը.
«Տղաները բոլոր հանձնարարականները շատ լավ կատարեցին: Դրա համար էլ կարծում եմ խաղի արդյունքն այսպիսին ստացվեց: Ցանկացած արդյունք անկանխատեսելի է, ուրախ եմ, որ այսպիսի գոլառատ հանդիպում ստացվեց, իսկ տղաներն էլ վստահություն ձեռք բերեցին այս հաղթանակով:
Ոչ ոքի չեմ կարող առանձնացնել, բոլորն էլ լավ դրսևորեցին իրենց, ընդհուպ փոխարինման դուրս եկածները՝ արագություն հաղորդեցին, գոլային պահեր ստեղծեցին ու գոլ խփեցին:
Սարգիս Բալոյանի վնասվածքն այդքան էլ լուրջ չէ: Խաղից առաջ մի քիչ վատ էր զգում իրեն, որոշեցինք, որ կմասնակցի առաջին խաղակեսին: Շատ լավ հանդես եկավ: Ես ուրախ եմ, որ նման կամային հատկություններ ունի և այդպիսի վատ վիճակում դուրս եկավ ու օգնեց թիմին հաղթել:
Ինչ վերաբերում է 11 մետրանոցին, դա շուտվանից էր որոշված: Եղել են խաղեր, երբ Տարոնը շատ լավ է իրացրել: Այդպես ստացվում է ֆուտբոլում: Ինձ մոտ էլ է եղել շատ-շատ 11 մետրանոցներ եմ խփել, եղել է նաև, որ չի ստացվել: Կարծում եմ՝ դա ոչինչ չի որոշում, Տարոնը շատ լավ խաղաց այսօր:
Առաջին պաշտոնական հանդիպումս էր որպես մարզիչ, իհարկե անհանգստություն կար: Գիշերը նույնիսկ չէի քնել: Երբ ֆուտբոլիստ ես, ամեն ինչ ավելի հեշտ է, իսկ երբ մարզիչ ես, քո փոխարեն ֆուտբոլիստները պետք է ամեն ինչ խաղադաշտում: Շնորհակալ եմ տղաներին, որ նրանք այսօր կատարեցին ամենն այնպես, ինչպես իրենց ասել էինք»:



2014 Armenian Soccer

ՀՀ բարձրագույն խմբի 21-րդ տուրի «Փյունիկ»-«Արարատ» խաղից հետո,որն ավարտվեց հյուրերի հաղթանակով (0:1), «Փյունիկի» գլխավոր  մարզիչ Սարգիս Հովսեփյանը հետխաղյա մամուլի ասուլիսում, նշեց,որ խաղասկզբում բաց թողած անանակալ գոլըւ խառնեց իրենց խաղաքաչտերը .
«Խաղը վատ սկսեցինք, որովհետև շուտ գոլ բաց թողեցինք: Հանդիպումը շատ դժվար ստացվեց, որովհետև հիմնականում պատանիներով համալված  այսպիսի թիմի համար դժվար էր խաղը վերադարձնել մեր ուզած հունին:
Դարպասապահը սխալ թույլ տվեց, սակայն պետք չէ նրան մեղադրել, նա դեռ երիտասարդ է և իր սխալների վրա է սովորում:
Սարգիս Բալոյանը վատ խաղ ցուցադրեց: Եթե հարձակվողը վտանգավոր պահեր չի ստեղծում, վտանգավոր փոխանցումներ չի կատարում, միանշանակ նա վատ է խաղացել:
Աշոտ Սարդարյանի փոխարինումը կապված էր նրա հետ, որ չէր կատարում մեր առաջադրանքները: Նրա սխալ փոխանցման արդյունքում գնդակը հայտնվեց հակառակորդի մոտ և հակագրոհի առիթ հանդիսացավ:
Որոշ ֆուտբոլիստների սխալների պատճառով արդեն երկրորդ խաղն է, որ պարտվում ենք: Նորից եմ կրկնում, պետք չէ նրանց մեղադրել, նրանք դեռ երիտասարդ են: Սակայն չի կարելի արդարացնել պարտությունը: Մենք վատ խաղացինք և պետք է աշխատենք սխալները ուղղելու համար»:

2014 Armenian Soccer

Երեկ ,ՀՀ գավաթի  խաղարկության կիսաեզրափակչի պատասխան խաղում 2:0հաշվով  «Միկայի» նկատմամբ տոնած հաղթանակից ու եզրփակիչ փուլ մտելուց հետո «Փյունիկի» գլխավոր մարզիչ Սարգիս Հովսեփյանը  գոհեր իր սաների ելույթիցց ,և հայընեց ,որ հատկապեոս ուրախ է թր նամ,ն փոխարինողներ ունեն.
՝ «Խաղը մեր թիմի համար դժվար սկսվեց, սակայն տղաները հունի մեջ մտան և գտան իրենց խաղը: Ինչպես տեսանք, մեր փոխարինող ֆուտբոլիստները մտան դաշտ և գերազանց խաղացին: Ուրախ եմ, որ նման փոխարինողներ ունենք:
Արդյունքը գոհացրեց մեզ, քանի որ մեզ պետք էր եզրափակիչ փուլ դուրս գալ և արեցինք դա: Ինձ համար միևնույն է, թե եզրափակչում ում հետ կհանդիպենք: Որ թիմն էլ լինի, շատ դժվար հանդիպում է սպասվում: Ցանկացած թիմ եզրափակչում կպայքարի մինչև վերջ:
Վարդան Բակալյանի փոխարինումը կապված էր իրեն տրված որոշ առաջադրանքներ չկատարելու հետ: Երևի կար նաև հոգնածություն, այդ պատճառով որոշեցինք դաշտ դուրս բերել ավելի թարմ ֆուտբոլիստի, ով շատ լավ մտավ խաղի մեջ, չափազանց գոհ եմ նրա խաղից:
Ինչ վերաբերում է Վիուլեն Այվազյանին, նա չարդարացրեց մեր սպասելիքները, բայց դա չի նշանակում, որ նա լավ ֆուտբոլիստ չէ: Ուղղակի նրա խաղը մեզ մոտ չէր ստացվում: Միգուցե մեկ ուրիշ ակումբում նա կարողանա իր խաղը ցույց տալ»:

2014 Armenian Soccer

Երեկ ,ՀՀ բարձրագույն խմբի առաջնության 25-րդ տուրի  սեփական հարկի տակ  «Բանանցից» 0:1 հաշվով կրած պարտությունից հետո «Փյունիկի» գլխավոր մարզիչ Սարգիս Հովսեփյանը  հետխաղայա մամուլի  ասուլիսի ժամանակ  այսպիսի գնահատական տվեց իր սաների ելույթին.
«Խաղը լավ չսկսեցինք: Այս անգամ նորից փորձարկեցինք մեր պատանի ֆուտբոլիստներին, մեկ անգամ ևս համոզվեցինք, որ նրանք ապագա ունեն:
Մենք արդեն պատրաստվում ենք հաջորդ առաջնությանը: Այդ պատճառով հիմնական կազմի տղաներին հանգստանալու և վնասվածքներից բուժվելու հնարավորություն տվեցի:
Ես հանդերձարանում էլ տղաներին հաղթելու կոչ էի անում, բայց պատանիներն այդքանը կարողացան անել: Ալբերտ Օհանյանը հոյակապ խաղ անցկացրեց, սեյվեր արեց, հատուկ շնորհակալություն նրան»:


2014 Armenian Soccer