Rate this item
(0 votes)

Բիչախչյանն ու օգնականները հեռանում են «Արարատից»

Vardan Bichakhchyan

 

«Արարատի» գլխավոր մարզիչ Վարդան Բիչախչյանը հրաժարական է տվել: Այս մասին տեղեկացնում է ակումբի մամուլի ծառայությունը՝ նշելով, որ ղեկավարության հետ հանդիպումներից հետո որոշում է կայացվել փոխադարձ համաձայնությամբ պայմանագիրը խզելու մասին:

Վարդան Բիչախչյանը 2020 թվականի ամռանն էր գլխավորել «Արարատը»: Նրա գլխավորությամբ ակումբը 13 տարի անց դարձավ Հայաստանի գավաթակիր և մեկ փուլ հաղթահարեց եվրագավաթներում:

Ձմեռային դադարին թիմը մոտեցավ 30 միավորով՝ 3-րդ հորիզոնականում՝ զիջելով առաջատար «Արարատ-Արմենիային» 10 միավոր:

Ակումբից հեռանում են նաև նրա օգնականներ Ֆելիքս Խոջոյանն ու Արթուր Հովհաննիսյանը:

«Արարատ» ֆուտբոլային ակումբը շնորհակալություն է հայտնում Վարդան Բիչախչյանին կատարած արդյունավետ աշխատանքի համար և հաջողություններ է մաղթում հետագա կարիերայում:

 

©2022 Armenian Soccer

back to top