Rate this item
(0 votes)

«Արարատը» վերսկսեց մարզումները

Երևանի «Արարատը» հունվարի 14-ին վերադարձավ արձակուրդից և Ձորաղբյուրի մարզաբազայում սկսեց նախապատրաստվել մրցաշրջանի երկրորդ հատվածին:

Ակումբի մամուլի ծառայության փոխանցմամբ տարվա առաջին մարզումը թիմն անցկացրեց Էդգար Թորոսյանի գլխավորությամբ: Նրան օգնում էին «Արարատի» համակարգում աշխատող մարզիչներ Ռաֆայել Սաֆարյանն ու Ալեքսանդր Պետրոսյանը:

Ֆուտբոլիստները նախ աշխատեցին արհեստական խոտածածկով խաղադաշտում, ապա մարզումը շարունակեցին մարզասրահում:

Առաջիկա օրերին «Արարատը» 3 ստուգողական հանդիպում կանցկացնի: Հունվարի 22-ին մրցակիցը կլինի «Շիրակը», հունվարի 26-ին «Ուրարտուն», իսկ հունվարի 29-ին՝ ԲԿՄԱ-ն: Այս խաղերի և նապապատրաստական փուլի այլ մանրամասների մասին կհայտնենք առաջիկայում:

 

©2022 Armenian Soccer

back to top